翡翠拉麵小籠包 (已結業)

見好耐都冇食過上海野, 上星期黎決定黎呢度試下, 最主要係想食佢地小籠包, 順便睇下佢地質素有冇變到! 由於係晚飯時間, 所以都幾多人等位, 兩個人都差唔多等左成半個鐘先有位!坐底睇下食咩好啦, 終於決定叫一客小籠包, 一客鮮肉鍋貼, 一客炸銀絲卷, 一碟上海粗炒同埋一碟糖醋魚柳! 小籠包係呢度最出名名菜, 但係今次食發覺個皮厚左, 冇之前咁薄, 要扣下分喇, 不過個餡依然好味, 入面又夠湯, 而且唔會一夾就穿, 一啖食晒佢真係好正; 鮮肉鍋貼個皮都好薄, 煎完個底又唔會太硬, d肉又鮮好味, 裡面有湯又唔乾身, 正呀; 炸銀絲卷個皮炸得非常之脆, 而銀絲卷就非常之鬆身, 不過就做唔到一絲絲咁, 似炸饅頭多過似銀絲卷, 一般啦; 上海粗炒就炒得好香, 而且唔算太油, 拉麵拉得好煙韌, 幾好味; 糖醋魚柳個皮就硬左d, 魚柳唔腥不過糖醋汁醋酸味太過濃烈, 反而一般!總括黎講今次覺得退步左, 同以往相比真係差左, 但係都仲可以接受, 不過就食得好趕急, 基本上每食完一碟d伙計就會即刻收碟, 未食晒就已經問你要唔要甜品, 師傅覺得使唔使咁趕, 知道出面好多人等位, 但係都唔使用左半個鐘就食晒