網上訂座超方便， 唔駛打電話咁麻煩（好多餐廳都係長響電話唔聽）。
第一次去食，同幾個朋友賀聖誕， 果次最深印象係個明太子玉子燒， 上檯果陣仲出緊煙， 夠哂熱， 而且好水潤， 好鍾意食。
1
仲有個半熟蛋咖喱意粉， 細細碟， 2個女仔一人兩啖就食哂。但係個味好濃郁， 蛋汁撈埋意粉， 又滑溜。第二次去賣哂，食唔到，有啲失望。
2
第二次去， encore左帶子三文魚子串揚，勁大粒帶子， 一啖過有難度，勁厚肉好滿足。
1
仲食左燒牛舌扒， 3個人share一碟， 好厚身，但又唔嚡， 仲幾嫰口， 好食。 第二次去已經變左兩人限點一碟， 但三個人都夠食， 問題唔大。
1
仲食左巨型餃子， 真係好大隻， 唔可以一口過。 略嫌唔夠辣， 寫明係辣嘛， 依家似少辣。 唔知下次可唔可以問加辣
1
入到餐廳以為會播日本居酒屋音樂， 點知有k-pop聽， 個vibe幾young!
留意： 唔係個個服務員都好熟手， 有時都要提佢地跟下啲野飲。但有同朋友傾住計食飯，等一等都可以接受。
3
