諾亞半熟蛋糕專門店 (已結業)

是日家人生日，係九龍城同佢地食完生日飯之後去買左個茉莉花味既半熟蛋糕同佢慶祝。半熟蛋榚聽就聽過好多次啦，不過就真係未試過。買蛋榚果陣時店員俾左D乾冰我地，仲好細心咁話要2個半小時內返到屋企放冰箱，再食之前15至30分鐘拎出黎。蛋糕盒真係幾可愛，有個鹿角係上面，雖則就快復活節，但總覺得佢真係有少少聖誕氣氛。蛋糕本身是很簡單的海綿蛋糕，蛋糕質感鬆軟，表面烤成啡色的外皮，切開後裡面見到一點點的茉莉花碎，仲有一層薄薄既流心層，有入口即溶的感覺，而且有好熟悉的既花香。整體黎講蛋糕清新唔會太甜，份量輕盈價錢又唔貴，4個人分既話份量仲剛剛好。