半日遊

一直覺得工廠大廈入面隱藏住好多隱世既餐廳同CAFE, 除左食物質素唔錯外, 環境又夠大...夠晒大班朋友黎HEA夠一日, 吹下水....今次就去左觀塘工業中心第四期, 入面既半日遊食野啦.....一入到去....環境果然幾大下....立即有店員上前招呼, 坐底後比MENU我地慢慢簡....呢度除左堂食外....仲包埋外賣到會, 桌遊聚會, 派對包場, 仲可以有得租用廚房!!!boardgame, SWITCH, 棋類應有盡有...

我地2人叫左2樣食物...
食物可以自由選擇以半價追加飲品, 甜品
加12蚊追加餐湯, 沙律和多士
加16蚊追加餃子4隻/可樂餅2件/芝士年糕2件

咁我地就加左12蚊追加餐湯, 沙律和多士...餐湯係味增湯, 也是我飲過料和味道最足的味增湯....多士咬落又好脆身, 熱騰騰....沙律既醬汁好食...又新鮮....

芝士咖哩吉列豬扒飯
豬扒輕輕上漿炸成, 多汁肉腍, 配上白飯和大大份咖喱汁, d汁整到好濃好好味... 盛載於熱辣辣的碟上....一流...

卡邦尼煙肉蘑菇義大利麵
卡邦尼味道重, 配料煙肉蘑菇好足料, 意粉煮得好彈牙, 呢個價錢十分抵食架啦對於我黎講......