影片
更多
2020-03-23
328 浏览
香港本身都有好多類似渡假屋咁樣風格嘅咖啡店☕️ ，而NOC Coffee Co./Cozy cafe/APA cafe係其中一間。啱啱知道NOC Coffee Co.黃埔開咗間新分店冇幾耐，而且佢係靠近海邊，個環境應該會更加有feel ，所以就抱著一個放鬆去Relax嘅心情去依間黃埔分店。嗰日大概十點半就去到coffee shop，幸好係平日嘅關係，呢段時間去到都仲有位，相信假期一定會爆滿，所以假日都要再早少少到。我哋初初影相同埋吧枱冇位，所以就坐咗喺近counter嘅圓枱到，當我哋影完曬相，發現吧檯有位咁梗係去坐喺吧檯到啦。______________________________環境方面:佢以白色同灰色做主調，畀人一個好光猛嘅感覺，佢環境同網上面睇一樣，都係好廣闊完全冇一個窒息嘅感覺，佢外面嘅空間仲有8張圓枱可以直望海邊吹下海風🌊 ，係果到靜靜地睇書📚都真係幾寫意。個環境絕對係可以坐喺到HEA返2-3個鐘頭，就算攞自己啲嘢去都好易咁專心到，初初仲擔心冇WI-FI用電腦做嘢，問咗職員之後原來係有WI-FI，所以唔洗太擔心😆。_____________________________
嗰日大概十點半就去到coffee shop，幸好係平日嘅關係，呢段時間去到都仲有位，相信假期一定會爆滿，所以假日都要再早少少到。我哋初初影相同埋吧枱冇位，所以就坐咗喺近counter嘅圓枱到，當我哋影完曬相，發現吧檯有位咁梗係去坐喺吧檯到啦。
______________________________
環境方面:
佢以白色同灰色做主調，畀人一個好光猛嘅感覺，佢環境同網上面睇一樣，都係好廣闊完全冇一個窒息嘅感覺，佢外面嘅空間仲有8張圓枱可以直望海邊吹下海風🌊 ，係果到靜靜地睇書📚都真係幾寫意。
個環境絕對係可以坐喺到HEA返2-3個鐘頭，就算攞自己啲嘢去都好易咁專心到，初初仲擔心冇WI-FI用電腦做嘢，問咗職員之後原來係有WI-FI，所以唔洗太擔心😆。
______________________________
食物方面:
我哋就叫咗個 Smoked Salmon Toast 🍞($108) & Free Range Eggs Toast🍞($74)。
.
.
而咖啡方面就叫咗Flat White & Flat White(Skim Milk)☕️，佢叫咖啡之後佢會問你(Fruity/nutty) ，大家都可以隨你嘅喜好去選擇咖啡豆嘅味道。
.
佢哋叫嘢食會畀個牌你，之後啲職員會將啲食物送到去你張枱上面，當你一揀好位坐低咗就唔使行嚟行去啦。
.
Smoked Salmon Toast 🍞($108)
三文魚都幾厚肉下，同埋都有幾多塊三文魚，只不過係味道單調咗少少，佢夾埋牛油果醬🥑食落去唔會太油膩，但係佢個醬食落去會有少少酸，唔知係唔係開始變壞。佢有個好嘅地方，就係有啲菠菜仔🥬佢墊住啲牛油果醬唔會等個多士慢慢變淋，所以就算影完相先至食，佢塊多士都係仍然脆身😋。
.
.
Smoked Salmon Toast
147 浏览
2 赞好
0 留言
Free Range Egg Toast 🍞($74)
.
見到佢蛋🥚炒出個顏色幾靚，都係略金黃色，所以都有啲期待，點知食落去略為乾身🤔，同埋蛋個味道反而唔係好出，有啲淡😕。
.
All-day breakfast( $148)
.
All Day breakfast就係大同小異，反而我覺得冇乜特別出色嘅地方，食落去嘅感覺都係同出面All Day breakfast差唔多🤔，不過都係材料豐富，有雞肉腸，小法包🥖配牛油果🥑，煙肉🥓，大啡菇，兩隻太陽蛋🍳。 食完之後都比想像中飽。
.
.
Flat White ($40) Fruity☕️
咖啡反而同我想象中唔一様，可能算係新分店嘅關係，沖咖啡嘅水平有少少唔穩定，Flat White 打啲奶泡打得未夠滑，啲奶泡會見到有少少大少不一嘅氣泡，同埋啲奶泡好快就浮咗上嚟，應該只係6-7分鐘嘅事嚟。飲上去畀人感覺好平衡，冇話特別酸特別苦🤭，飲上去明顯奶泡打得唔夠滑，上面層奶泡好快就散咗😕。
.
.
.
Flat White (Skim Milk) ☕️($40)
反而Skim Milk就打得好啲，始終都會Skim Milk持久性都會耐啲，所以我哋就算影完相，佢都仲未走樣😆，由於呢一杯係我個friend叫，我就冇試過佢個味道啦。
.
Cappuccino（nutty)☕️
都係一樣奶泡打得唔夠一般般，表面有啲薄，打得唔夠厚身，奶泡好快就散。不過今次(nutty)好明顯堅果味重啲，第一啖入口就已經感覺到。
.
.
______________________________
呢一間舖頭係一個好舒服嘅地方，個人覺得壓力大嘅時候就可以去呢度輕鬆下😋，放鬆下自己嘅心情，唯一唔好彩就去兩次都係陰天😢，如果有太陽光照🌞入嚟，相信個環境會更加好，更加舒服。除咗咖啡☕️比較唔穩定之外，食物都有好多選擇，除咗炒蛋多士🍞比較淡之外，其他都喺keep得住水準，呢一間coffee shop淨係個環境，真係可以嚟多幾次都唔厭👍🏻。
.
寫呢個食評前我係去咗兩次，兩次個感覺都都好舒服😎，相信之後會有第三次同第四次，下次再嚟一定嘗試食其他唔同種類嘅食物，到時再同大家介紹下啦。
.
同埋門口啲枱都有啲影相打卡位，鍾意坐戶外嘅，吹下海風🌊又可以都可以有多一個選擇，可以唔洗去到西貢咁遠嗰啲地方，近近哋近市區NOC Whampoa都可以㗎!
张贴
