影片
更多
2015-03-29
359 浏览
友人喺附近返工，星期六放左工去行下街之前，先黎醫下肚。雖然係下午茶時段黎到，但仲可以叫午餐，自己本身唔太餓，咁就午餐同下午茶餐mix黎叫先。小食系列嘅鮮果沙律望落好似黃黃橙橙咁，但食落口原來大部分都係新鮮生果，唔係罐頭貨，名副其實喎。橙色啲全部係蜜瓜，仲有富士蘋果，好甜好新鮮，唔錯唔錯。芝士吞拿魚厚多士 ($28)吞拿魚混左少許洋蔥，連芝士同焗，出黎效果一流，香噴噴，芝士仲要拉得出絲，對芝士控黎講點忍得口，麵包鬆軟餡料熱辣辣，停唔到口呀。煙三文魚牛角酥 ($30)大家想share食，店員即刻幫我地一開三。拎上手，三文魚好厚喎，仲夾左一片生菜增加口感之餘，又令個包帶啲清新。忌廉汁三文魚扒闊條麵 ($78)忌廉汁包住每條麵條，香滑不立口，麵條有韌度。三文魚扒超厚切，煎得皮脆肉嫩，啖啖肉無骨架，三個人share啱啱好。聽老闆講佢地係整條三文魚入貨，自己切片，果然同冰鮮貨唔同，煎完都仲咁肥美。友人點熱咖啡，無試，聞到好香。自己點左凍檸茶走甜，茶味爭點，但沒有澀，還不錯。呢個價錢係尖沙咀真係超抵食，食物有質素，份量唔少，仲要全一免加一，食飽飽又係時候去行街街。
小食系列嘅鮮果沙律
望落好似黃黃橙橙咁，但食落口原來大部分都係新鮮生果，唔係罐頭貨，名副其實喎。橙色啲全部係蜜瓜，仲有富士蘋果，好甜好新鮮，唔錯唔錯。
芝士吞拿魚厚多士 ($28)
吞拿魚混左少許洋蔥，連芝士同焗，出黎效果一流，香噴噴，芝士仲要拉得出絲，對芝士控黎講點忍得口，麵包鬆軟餡料熱辣辣，停唔到口呀。
煙三文魚牛角酥 ($30)
大家想share食，店員即刻幫我地一開三。拎上手，三文魚好厚喎，仲夾左一片生菜增加口感之餘，又令個包帶啲清新。
忌廉汁三文魚扒闊條麵 ($78)
忌廉汁包住每條麵條，香滑不立口，麵條有韌度。三文魚扒超厚切，煎得皮脆肉嫩，啖啖肉無骨架，三個人share啱啱好。聽老闆講佢地係整條三文魚入貨，自己切片，果然同冰鮮貨唔同，煎完都仲咁肥美。
友人點熱咖啡，無試，聞到好香。
自己點左凍檸茶走甜，茶味爭點，但沒有澀，還不錯。呢個價錢係尖沙咀真係超抵食，食物有質素，份量唔少，仲要全一免加一，食飽飽又係時候去行街街。
张贴
