Yadllie Plate 야들리애플래이트 (海之戀商場)

呢間餐廳好多人食，所以入去試下，地方好大，有好多卡位，裝修好靚，好有格調。半半炸雞佢嘅炸雞有六種口味，我哋揀咗大邱辣醬同埋黃金蒜香口味，大邱辣醬炸雞好有辣味，啱晒鍾意食辣嘅朋友，蒜香炸雞食落去好有蒜香味，好惹味。炸雞炸得好脆，而且保持到雞肉嘅嫩滑。魚介湯鍋魚介湯鍋好足料，有好多串魚腐，入面仲有娃娃菜、菇、年糕同埋蛋，勁多料，食呢個都已經好飽。鮮蝦沙律沙律擺盤好靚，入面嘅蔬菜都好新鮮，好fresh 。火炙牛呢個火炙牛上菜後，侍應會用火槍燒一燒啲牛肉，令到佢更加香。佢嘅牛係靚嘅，有厚度，食落好有咬口，而且肉味濃。藍橙荔枝梳打呢杯飲品顏色好靚，飲落去好有荔枝味，好飲。士多啤梨雪冰呢個士多啤梨雪冰真係幾正，佢嘅雪冰好綿細，唔似沙冰，入口即溶，而且有少少奶味，加埋有好多士多啤梨，食完好滿足。