梨泰院 (愉景新城) (已結業)

我和朋友鐘意食韓國菜。上次食過荃灣愉景新城梨泰院覺得滿意，今日放工再約朋友去那裏食晚飯。今次見到有新菜式，便叫了份馬鈴薯排骨鍋試下。好開心星期一至四可以半價享用($134)，好吸引! 排骨鍋放在gas爐上加熱，最適合寒冷天氣享用。大大鍋見到都流口水，鍋內有多塊巨形排骨，還有多件大大塊的薯仔和大白菜。排骨用手撕開來吃很暢快，排骨肉香滑又不算肥腻，極好味。薯仔有咬口不粉，合我口味。大白菜吸滿微酸辣的醬湯很好味。整個鍋好有風味，平靚正。朋友愛吃人參雞湯($88)。今晚的人參雞湯也是水準之作。湯甜微甘，雞肉點麻油好味。有益，吃完身也暖些。原味紫菜包飯($58)也不錯，吃入口清淡有營，恰到好處。蜂蜜柚子味炸雞半份($86)，我們選了無骨。半份都有多塊，雞炸得香脆可口，雞皮尤其好味。柚子醬酸甜香，令炸雞更美味。兩個人吃得又飽又滿足，不用加一，只是$366。抵食好食，推介你來吃。