阿來客棧雞煲火鍋 (已結業)

🎈阿來客棧 🔍銅鑼灣渣甸街50號渣甸中心25樓-----最近天氣好熱，但又想食火鍋，就揀咗呢間朋友推薦嘅餐廳諗住過去食個比較清熱降火椰子雞煲打邊爐🥥。點知上到嚟之後睇睇下餐牌，吹吹下強勁嘅冷氣，又想食返d滋補暖身嘅野😝，係，女人就係善變嘅💃🏻。🐥金湯花膠瑤柱雞湯（原價$168，開張優惠$84）奶白嘅雞湯，滋潤濃郁，底部有少少瑤柱絲增添口感，新張優惠下半隻雞只需八十幾蚊，確係非常抵食，雞肉嫩滑，花膠爽口，雖然後者份量唔算多，不過呢個價錢，整體算係滿意。🐟爽脆白鱔片（半份$55）白嫩鱔片肉質柔嫩，魚脂味不過不失，說不上驚艷嘅質素，但從價錢份量角度考慮，性價比不錯。🥢桂花蚌（半份$45）試咗咁多樣火鍋食材，當中最滿意嘅就係桂花蚌，新鮮不在話下，質感柔軟爽彈，係花膠雞湯嘅加持下，鮮甜度亦更上一層樓，必叫之選。🐷西班牙黑毛豬片（小$58）3分瘦6分肥嘅肉脂比黎著實邪惡，入口油分香氣亦自然突出，唔怕肥嘅人應該會中意，怕肥的話，就要斟酌下要唔要叫其他肉了。另外墊底嘅椰菜絲份量好多，椰菜放入雞湯內泡煮後非常好食，記得唔好浪費。✨PS：除咗加一服務費之外，另外仲有額外每位按人頭收返茶水費。