真岩海膽盛 $134 😋: 6/10
為左呢個足4️⃣板海膽盛而黎 一上枱真係好澎湃呀 小妹見識少 真係一次過食咁多海膽 隨飯附送幾塊紫菜跟飯食
除左4板海膽仲有吞拿魚蓉同三文魚子 份量真係足料既 可惜海膽唔新鮮 未到腥咁嚴重 但一啲都唔鮮甜 只有咸味 吞拿魚蓉一樣冇味既 係三文魚子正常少少 雖然半價左真係好抵食 不過冇質素都唔會有下次啦
廣島蠔釜飯 （一飯三食）$118 😋: 8/10
秋風起 最岩食個煲仔飯 釜飯就好似日式煲仔飯咁 將生米加湯連埋啲材料煲成 一上枱熱辣辣 如果唔急撈勻個飯仲有飯焦食tim!
廣島蠔有4隻 大大隻非常juicy而且真心有蠔味 記得要拎左啲蠔出黎先焗個飯 唔焦啲蠔就會老架喇 個飯有菠菜 冬菇 青豆 白飯魚 仲。有。栗子🌰！！超好味！
建議一開頭食個原味先 之後可以加啲燒汁撈飯食 食到最後啲飯焦仲可以加隨飯附送既茶湯同紫菜變茶漬飯 ！一飯三食真係好滿足😋😋
而家仲做緊promo like and share fb仲有每。人。一。杯。Haagen Dazs雪糕送 滿足埋甜品胃😍
