影片
更多
2021-11-18
45 浏览
尋日喺元朗行街嘅時候發現，見到有間餐廳有半價優惠望落去有爐端燒都好似唔錯，所以就入左去食，入到去見到除咗爐端燒之外，仲有壽司同埋拉麵，所以就同朋友主攻半價食物之外，都試食下佢其他嘢食。坐落去都好闊落就算兩個人食都畀好大張枱我哋，同埋佢哋都好緊守防疫規則，我喺未有嘢食到枱嘅時候除咗口罩，店員都即刻溫馨提示我要帶返口罩先，非常盡責！半價食物嗰度，嗌咗個沙冰芝士奶蓋，三文魚壽司，燒鮑魚，焗蜆同埋牛仔骨，另加嗌咗牛肉壽喜燒，大蝦天婦羅，綠茶汽水同埋一個鱈場蟹柳烏冬。嘢飲就好快上枱，見到沙冰係士多啤梨沙冰，奶蓋嘅芝士味好濃厚，我同朋友都好驚喜見到兩杯飲品都好大杯，飲咗一半已經少少飽。牛肉壽喜燒肉質都唔錯而且都有配一個日本生雞蛋畀我，入邊嘅菜同埋粉絲都好多。燒鮑魚18蚊隻，叫咗兩隻，爽口彈牙，而且價錢唔貴，所以覺得性價比都幾高。牛仔骨肉味都好足夠，牛油蜆嗰度夠熱，肉都唔會太細粒。大蝦天婦羅都脆口，不過略嫌比較油。朋友覺得佢嘅烏冬都好彈牙，而且湯都十分濃味，溫泉蛋都做到流心嘅效果。總結覺得半價食物可以再戰！
半價食物嗰度，嗌咗個沙冰芝士奶蓋，三文魚壽司，燒鮑魚，焗蜆同埋牛仔骨，另加嗌咗牛肉壽喜燒，大蝦天婦羅，綠茶汽水同埋一個鱈場蟹柳烏冬。嘢飲就好快上枱，見到沙冰係士多啤梨沙冰，奶蓋嘅芝士味好濃厚，我同朋友都好驚喜見到兩杯飲品都好大杯，飲咗一半已經少少飽。牛肉壽喜燒肉質都唔錯而且都有配一個日本生雞蛋畀我，入邊嘅菜同埋粉絲都好多。燒鮑魚18蚊隻，叫咗兩隻，爽口彈牙，而且價錢唔貴，所以覺得性價比都幾高。牛仔骨肉味都好足夠，牛油蜆嗰度夠熱，肉都唔會太細粒。大蝦天婦羅都脆口，不過略嫌比較油。朋友覺得佢嘅烏冬都好彈牙，而且湯都十分濃味，溫泉蛋都做到流心嘅效果。總結覺得半價食物可以再戰！
张贴
