影片
更多
2019-03-27
933 浏览
今次因爲家中小公主生日，咁岩餐廳又做緊半價優惠，於是一行四人就去試下啦。對我嚟講，重頭戲當然係海鮮，但係似乎凍海鮮吧選擇唔多。凍海鮮除左蝦同翡翠鏍係有鮮味外，龍蝦鋏係淡茂茂，長腳蟹卻咸到帶苦。我咁好海鮮都只係攞左一碟就投降。而熟食方面，選擇同樣唔係話十分多，但可能我餓左我男朋友好耐🤣佢真係一碟接一接食左好多嘢。刺新冇應有嘅甜味，焗龍蝦唔新鮮，味道一般般，都係攞左一舊就冇意慾再攞。但我欣賞嘅係佢個羊架，因為本身我係怕騷而唔食羊，但係佢個羊架竟然唔騷而且好腍，呢個真係好食。呢間餐廳會不時響叮叮，原來係要去攞限定食品。佢總共響左三次。第一次似乎係芝士沙律，冇乜興趣所以冇攞，第二似係花膠響鏍湯，第三次係騙了所有人嘅燒乳豬....香蕉蛋糕。（個個都以係乳豬而衝出去攞，最後係蛋糕🤣）我覺得佢個花膠湯好淡，料還料，湯還湯，完全唔係將精華溶喺湯度嘅狀態，我反而覺得佢普通果個青紅蘿蔔豬骨湯仲好飲。而甜品方面佢都算多，而且樣樣都細細件，賣相都幾好，幾岩人攞啲試下。因爲小公主生日，我地冇帶蛋糕嚟，於是用唔同嘅甜品整左個偽蛋糕俾佢吹蠟燭。臨尾職員會每位一客咁將呢個花膠燉蛋送到你面前，燉蛋唔太甜，幾好食，但花膠
對我嚟講，重頭戲當然係海鮮，但係似乎凍海鮮吧選擇唔多。
凍海鮮除左蝦同翡翠鏍係有鮮味外，龍蝦鋏係淡茂茂，長腳蟹卻咸到帶苦。我咁好海鮮都只係攞左一碟就投降。
而熟食方面，選擇同樣唔係話十分多，但可能我餓左我男朋友好耐🤣佢真係一碟接一接食左好多嘢。
刺新冇應有嘅甜味，焗龍蝦唔新鮮，味道一般般，都係攞左一舊就冇意慾再攞。
但我欣賞嘅係佢個羊架，因為本身我係怕騷而唔食羊，但係佢個羊架竟然唔騷而且好腍，呢個真係好食。
呢間餐廳會不時響叮叮，原來係要去攞限定食品。佢總共響左三次。第一次似乎係芝士沙律，冇乜興趣所以冇攞，第二似係花膠響鏍湯，第三次係騙了所有人嘅燒乳豬....香蕉蛋糕。（個個都以係乳豬而衝出去攞，最後係蛋糕🤣）
我覺得佢個花膠湯好淡，料還料，湯還湯，完全唔係將精華溶喺湯度嘅狀態，我反而覺得佢普通果個青紅蘿蔔豬骨湯仲好飲。
而甜品方面佢都算多，而且樣樣都細細件，賣相都幾好，幾岩人攞啲試下。
因爲小公主生日，我地冇帶蛋糕嚟，於是用唔同嘅甜品整左個偽蛋糕俾佢吹蠟燭。
臨尾職員會每位一客咁將呢個花膠燉蛋送到你面前，燉蛋唔太甜，幾好食，但花膠依然係冇味😂
整體嚟講，你叫我俾正價我就一定唔會嚟，但半價嚟講我覺得咁樣可以接受，至少大家係食飽飽的。
张贴
