樂天皇朝 (利舞臺廣場) (已搬遷) 新店位置

很久以前已食過呢間的彩色小籠包，今次見某app有半價，可以唔理價錢盡情叫野食。原味小籠包 - 皮夠薄，肉夠多汁新鮮，好味。稍嫌薑絲無乜味。擔擔麵 - 味道還可，唔算太辣，但無肉同無乜花生醬料層次感欠奉。酸辣湯 - 一入口好酸，酸同辣嘅味好似分開咁，料就正常但味道怪怪的。三絲春卷 - 熱辣辣，脆扑扑，應該係即炸，這個唔錯。紅油抄手 - 辣度適中，夠香，皮又滑，都唔錯。總的來說，整體質素唔錯，小籠包尤其好味，半價認真抵食。