元気寿司 (九龍行)

好耐無食過，見到佢有午餐 set又唔駛等位就食下。午餐餐牌都有5至6款選擇，最後揀左$70幾個 set, 有味噌湯+沙律+6件雜錦壽司+竹輪烏冬+茶碗蒸。

壽司依家用火車軌運輸所以分開上，食材都算新鮮，幔魚壽司最好味，茶碗蒸夠哂熱辣辣，係稍為太多水份同易散，其他食物都正常味道。

起初都諗住有機會唔夠食，不過野食黎齊後食食下就有飽意，始終都算食左好多壽司飯同烏冬呢d澱粉質食物。整體黎講份量係夠既，不過要加一，變左埋單$86。