美心小品

营业中

休息中

12點幾到達，等咗5分鐘就入得，依家係有人帶位，但枱與枱之間都比較近，座椅坐得好舒適，成間餐廳設計都好靚，侍應都係年輕有活力，要行返出去收銀處叫餐，之後拎飲品，然後拎住號碼牌坐返埋位，侍應會直接上菜。叫咗豬肉牛肉腸意大利粉，個醬汁幾好食，但係略嫌鹹咗少少，意大利粉嘅份量足夠，個蒜蓉包好香口，仍然是脆的，有手掌加手指咁大塊，個餐加$9可以叫杯嘢飲，飲料份量都比較大，但係選擇唔多。另外加$12叫咗個辣味薯條，薯條唔算好脆，有啲啲冧，但係加埋個辣粉，都算幾野味。