影片
更多
2019-08-22
1791 浏览
今日喺德福廣場附近工作的朋友約咗我喺呢間美心皇宮食午餐，兩個人食咗5款點心，飽得好緊要：1. 金錢肚 ： 正！不過由於啲汁好濃郁，食完啲點心要留起一隻用來裝剩下的汁，否則就會溝埋其他點心，搞到所有點心一樣味。底部有兩件好味的柚皮！2. 帶子腸粉：啲帶子溝埋有啲蝦，鯹鯹地！啲腸粉皮霉霉地，No Good! 3. 棉花雞：全香港最好食嘅棉花雞入面的魚肚就是美心皇宮了！唔知點解我行勻成個西環啲海味舖都搵唔到呢隻咁靚嘅魚肚，可惜嗰舊雞麻麻哋好味，如果唔係就完美了！4. 蝦子柚皮 - 正！好入味！擺到明係用上湯煨過。5. 鹹水角 - 正！做得好出色！6. 乾蒸牛肉 - 粗糙左啲！味道麻麻！唔夠牛的鮮味！唔知點解喺加拿大多倫多啲唐人餐館食乾蒸牛肉同埋山竹牛肉都特別有鮮味。7. 鮮竹卷 - 好一般，餡料唔夠鮮味，鮮竹唔夠鮮竹味！8. 鯪魚球 - 麻麻，唔夠彈牙，唔夠鯪魚的鮮味。買單一個大點、兩個中點、一個小點及一個腸粉，茶錢每人$14（比觀塘孔夫子餐館貴兩蚊），但係呢度嘅水仙茶真係好好飲，就算好深色同埋好濃都唔會苦澀，鍾意嘆茶嘅朋友千祈唔好唔記得點水仙茶！呢度服務好好！我早幾日打電話來訂枱居然訂到，
1. 金錢肚 ： 正！不過由於啲汁好濃郁，食完啲點心要留起一隻用來裝剩下的汁，否則就會溝埋其他點心，搞到所有點心一樣味。底部有兩件好味的柚皮！
2. 帶子腸粉：啲帶子溝埋有啲蝦，鯹鯹地！啲腸粉皮霉霉地，No Good!
3. 棉花雞：全香港最好食嘅棉花雞入面的魚肚就是美心皇宮了！唔知點解我行勻成個西環啲海味舖都搵唔到呢隻咁靚嘅魚肚，可惜嗰舊雞麻麻哋好味，如果唔係就完美了！
4. 蝦子柚皮 - 正！好入味！擺到明係用上湯煨過。
5. 鹹水角 - 正！做得好出色！
6. 乾蒸牛肉 - 粗糙左啲！味道麻麻！唔夠牛的鮮味！唔知點解喺加拿大多倫多啲唐人餐館食乾蒸牛肉同埋山竹牛肉都特別有鮮味。
7. 鮮竹卷 - 好一般，餡料唔夠鮮味，鮮竹唔夠鮮竹味！
8. 鯪魚球 - 麻麻，唔夠彈牙，唔夠鯪魚的鮮味。
買單一個大點、兩個中點、一個小點及一個腸粉，茶錢每人$14（比觀塘孔夫子餐館貴兩蚊），但係呢度嘅水仙茶真係好好飲，就算好深色同埋好濃都唔會苦澀，鍾意嘆茶嘅朋友千祈唔好唔記得點水仙茶！
呢度服務好好！我早幾日打電話來訂枱居然訂到，十分之開心！我早左5分鐘到，但係接待處已經迫爆人。
埋單總共$207，每人$104，算係抵！其實還有很多款式的點心，但係得兩個人食唔到咁多。
鮮竹卷
33 浏览
0 赞好
0 留言
鯪魚球
19 浏览
0 赞好
0 留言
鹹水角
31 浏览
0 赞好
0 留言
棉花雞
37 浏览
0 赞好
0 留言
乾蒸牛肉
43 浏览
0 赞好
0 留言
帶子腸粉
32 浏览
0 赞好
0 留言
金錢肚
9 浏览
0 赞好
0 留言
蝦子柚皮
16 浏览
0 赞好
0 留言
张贴
