御廚工房

雖然好多人話深水埗好多好嘢食，但其實有好多間餐廳都係伏... 呢間餐館係我屋企附近新開，見佢上次開張其實已經去過一次，嗰次冇影相... 我同男朋友兩個去食，叫咗個冰鎮咕嚕肉同金銀蛋菜，已經覺得好大份... 兩個人差啲食唔晒..

今次午餐再去幫襯，個侍應不嬲都好親切，佢話除午餐嘅餐牌外，另一個餐牌啲嘢都係可以跟湯同熱飲... 於是，我叫咗個菜莆蝦球炒飯，個飯嚟到我都忍不住話「個飯炒得咁靚嘅」，隻隻蝦都好大隻，而且又係勁大份... 又有湯又有熱飲，只係正常一個午餐嘅價錢，但有晚市嘅質素... 真心可以係我假日嘅飯堂～

菜莆蝦球炒飯

$68