Sushi Men x Oyster Men (已結業)

午餐都一樣可以咁’蠔‘氣嗌咗幾款生蠔刺身慰勞下自己精選法國生蠔6隻生蠔之中比較偏愛法國，因為味道層次豐富，入口有海水鮮味，帶點甜味同礦物味道，係口腔嘅餘韻悠長。 而且肉質爽脆。生蠔每隻都飽滿厚身，6隻好似有啲唔夠添。活赤貝2隻外表橙紅色、帶光澤，食落肉質爽厚，鮮味十足。甜蝦味道有啲似牡丹蝦相似，但size比較細。肉質細綿、味道甜美。最愛佢粘粘嘅口感。北寄貝片肉質鮮甜、口感爽彈、滋味一流。刺身帶子厚身細密，味道鮮甜。今餐真係大滿足！