三川居酒屋 (已結業)

銅鑼灣又有新餐廳喇，今次係日式居酒屋，位置非常之方便，一出地鐵站轉過彎就到啦。店內環境用咗木做主要裝飾，幾舒服有味道。今次我地係黎食lunch，lunch menu選擇都好多，而且價錢都好合理。我地要咗一個日式牛肉鍋，首先有沙律，漬物同埋面豉湯做前菜。主角牛肉鍋相當足料，先講主角牛肉，唔會太肥，脂肪比例岩岩好，而且牛肉味都好濃，份量亦十足。除咗牛肉之外，仲有唔同嘅蔬菜，豆腐，冬菇，雞蛋，而且仲有我最愛嘅粉絲。粉絲將清甜既醬油味醂湯底完全索晒，好好好食呀！而朋友就要咗一個鍋燒湯烏冬，一份炸餃子。先講餃子，睇個樣都知道有幾脆，但又唔會太油膩，但饀就冇咩特別，係普通青菜豬肉。到鍋燒湯烏冬，昆布湯底比牛肉鍋嘅更加清甜，配料有一隻天婦羅炸蝦，冬菇，紅蘿蔔同埋去皮雞粒。主角手打烏冬夠晒煙un，浸左湯咁耐都完全冇淋。而且同樣地份量都好多，食完之後真係超飽肚！