財記茶餐廳

一直工作到五點，終於可以放MEAL BREAK，求其搵間靜靜地嘅餐廳食碟飯。

咁啱見呢到無乜人，應該都好快有得食。

見午餐又係例牌嘅蒸餸，呢個時間叫應該都反蒸N轉喇。

好睬話仲有東江雞飯，咁就要佢喇，有D保證呱。

好睬碟東江雞都唔差，一上檯都睇得下。

東江雞

份量可以話正常。雞嘅味道一般，勝在肉質滑。
呢碟雞唔太肥，仲可以食到啖啖肉。

加埋碗飯，半個鐘內完全晒，可以話滿足咗個胃先，停咗打鼓先。

午餐

$37

可以慢慢、靜靜地享受埋杯奶茶，之後返去完全埋餘下工作。