心語甜品 (已結業)

今日自己一個人去街，因為疫情關係，好耐冇出街食嘢，好掛住心語的沙律同甜品，入到去見到廚師唔同咗人，以前靚仔廚師唔見咗，換咗以前做樓面女仔做廚師，我耐冇嚟個女仔都認到我👍🏻，我當然點我最鍾意食煙三文魚牛油果沙律，本人很喜歡坐近廚房，很多時會聞到食物香味，美中不足是廚房抽氣很嘈，所以廚房要好大聲才叫到樓面姐姐，真係要改善抽氣系統。沙律仲有驚喜，就係用三文魚砌成玫瑰🌹，多士唔太燶，外脆內軟啱啱好。同廚房傾計先知道她原來已是媽媽，唔怪之得，只有媽媽才有心機整靚食品。我好鍾意食佢哋個湯圓，奶黃唔太甜有少少咸蛋黃味，就其是芒果流沙湯圓都幾有特式，上面仲有芒果乾，咁有特色出面甜品舖食唔到。