渝味曉宇重慶老火鍋 (渣甸中心) (已結業)

午餐時間，上司拉我食火鍋，因做緊免費湯底，其實我推咗佢幾次，今天失敗咗，好彩同佢一齊食，過鐘返公司都無事。中午食豪咗，晚餐要做乞兒食少d，咁至唔會肥。餐前糖水，先潤喉！鴛鴦鍋重慶麻辣湯 1/2份蕃茄湯 1/2份濃郁香辣與酸甜清新，中午唔可食得太刺激，小辣中帶麻辣味，還可用蕃茄點綴。美國安格斯優質肥牛1/2份油脂份佈均勻，有牛味又軟腍，很快就食完。曉宇手打三寶丸每一粒都有佢本身特有味道，相同嘅係彈牙，新鮮又夠滑。大刀豬腰片爽滑乾淨，想食咗好耐㗎啦，放蕃茄湯中或麻辣湯中灼，都好味。特式迷你燕餃有甜味嘅豬肉，雖然餡料唔係好多，塊皮都唔韌，又幾好食。血旺即是雞紅，腍滑唔散，雞血需放係惹味食物中同煮至會突出佢個味，麻辣湯底又點少得。凍豆腐 1/2份冰過嘅豆腐，吸水力比常溫豆腐更勁，所以食麻辣，點呢個都唔錯。田園菜藍 1/2份新鮮蔬菜，正常。功夫萵筍 1/2份灼的時間比厚片快，食嘅口感更爽口。