川粤時空時尚小廚

营业中

休息中

觀塘搵食艱難，每逢lunch時間，到處都係人頭湧湧，同事話唔想跟別人排長龍，巧明街OK便利店樓上的川粵時空係首選，位置闊落坐得舒服，仲有幾款涼菜自助任食。我地一行八個人，有張大圓檯圍埋一起啱啱好。大家點咗酸菜魚套餐，酸菜魚超大一碗，魚片又嫩又滑沒土味，酸湯喝起來超開胃，辣度剛好不會嗆喉嚨，麻味也不會太刺激。仲有湖南小炒肉，辣椒炒得軟軟的，五花肉帶點焦邊超香，辣到狂配白飯還是停不了。麻婆豆腐也是下飯，麻辣鮮香，同事狂炫三碗飯🍚。午市套餐仲有一d唔辣嘅菜式，椒鹽豬扒，涼瓜炒牛肉，萵筍炒肉片，啱曬怕辣的朋友。整體味道夠地道，這頓吃得很滿足啦！