La Postre (已結業)

星期六中午同朋友黎食，特別少人，係坐低傾計嘅好地方。環境舒服。我地兩個人，嗌左無花果批、鯖魚欖油意粉、荔枝桂花茶。午餐附送忌廉洋蔥湯，湯比較淡，有好多洋蔥，還可以。無花果批嘅酥皮好脆，好好味。無花果甜度適中，成個批唔會太甜太油膩。十分推介！但價錢太高。鯖魚欖油意粉出乎預期地好味，本來以為意粉會好淡，但完全相反。仲加左蔬菜，幾認真。條魚唔算太滑，魚尾好硬食唔到，但調味搭夠。荔枝桂花茶都係唔會太甜，荔枝係罐頭開嘅，所以麻麻，但整體好飲。