一寿司+ (已結業)

老細唔喺公司，就可以行遠d食晏。新世紀都無咩特別好食嘅餐廳，一壽司算不錯了。大概十二點半去到，人不多。個menu 十年如一日。揀咗壽司餐，配沙律同麵豉湯 ($49)。有十件壽司，包括鰻魚、salmon、燒salmon, 蛋、蟹棒、蟹子、甜蝦、魷魚鬚、北寄貝同鱆紅魚。全部都好新鮮嘅，當中以燒三文魚最正，因為d魚油燒晒出黎，好香又唔膩。魷魚鬚彈牙唔會韌；其他都不過不失。反而個壽司飯就差d，好鬆散，一夾即散。食得有d狼狽。環境一般，燈光較暗；枱貼枱，好迫吓。而且冷氣好勁。服務也是一般，服務員工作未見勤快。