富士山55 (拉麵沾麵專門店) (已結業)

一朝早去到銅鑼灣中央圖書館幫老闆搵舊報紙，揭了超過半年報紙，眼都花埋，朋友知我今日會在銅鑼灣區，約我1：30食午餐，我嘅唯一要求係唔想行太遠，朋友選擇富士山55，步行5分鐘。1：30去到門口要排隊，幸好拉麵人潮流動量相對比較快，等待10分鐘已經可以入座。先落單，濃香櫻花蝦沾麵，固緬（較硬麵質），加黑木耳。濃香櫻花蝦汁偏向鹹味，加多一點魚介湯，先適合我口味，喜歡硬麵質地，有咬口，半熟蛋有流心（滿意），叉燒肥瘦適中，有輕微焦香味。最後好貪心地用沾麵湯加芝士飯，濃縮櫻花蝦味加芝士，香氣撲鼻，仲可以玩拉絲，必食推介！