老街 (西洋菜南街) (已結業)

是日午餐又係自己一個人，尋日見到呢度好多人等位，今日見唔算多人，加上之前食過覺得好食，所以入去食~~~睇返午餐的優惠真係抵過晚上入去食，最平的$38可以埋單，學生仲可以減3蚊，怪不得有不少學生入內光顧~~~之前我每次去都食紅燒牛肉麵，今次我就點個平D的鹽酥雞肉燥便當，一上碟都覺得好豐富，鹽酥雞有7粒，真係多到不得了，個飯也足料，慢慢食才可清得曬，我見鄰座的大叔食唔曬D飯就去咗埋單~~~飲品我就點咗胚芽奶茶，唔加糖已經飲到胚芽的味道，由於個人太飽，我就將佢放在自携杯返office 慢慢飲~~~如果女仔3個人去可以考慮叫兩個餐加小食，因為呢度的食物份量真的不少😅