新樂園魚蛋麵餐廳 (已結業)

今早睇完醫生想去飲茶，點知喺街市左行行右行行攪到晏咗，去街市大樓買完糍粑仲講緊返屋企樓下茶餐廳食午餐，靈機一觸不如喺街市大樓食埋，唔駛兜去揾食 🤣🤣🤣一向有幫襯開新樂園晚飯，早兩星期仲摸門釘，原來而家疫情生意都係淡靜，所以佢哋逢星期一休息。我哋叫咗蓮藕炆腩仔飯同四季豆肉鬆炒飯，蓮藕腩仔都好入味好啱餸飯，蓮藕啱季節仲咬到有絲 🤭🤭四季豆肉鬆炒飯夠鑊氣，食到啲飯一粒粒唔會一舊舊，一啲都唔膩 👍👍奶茶都算合格但算不上好正，整體性價比都好高 😋😋😋