巧得鍋 (已結業)

觀塘工業區真的是今時不同往日, 好多工廈既有美食,又有好多工廈店舖開倉, 而且價廉物美, 一D都唔遜於旺角銅鑼灣, 星期六便約了朋友會逛觀塘工業區, 首先在工廈內的一間叫”巧得鍋”的食肆醫肚, 非常滿足. 我食的是午市套餐, 即有飯/麵加飲品的餐, 我order了一個海南雞套餐, 這海南雞飯看似容易, 但要做到好食卻一D都唔易, 海南雞飯配的是白飯, 正啱我心意, 因為唔想食油飯, 油飯雖然好食, 但好怕肥, 我要好食得來仲要健康! 落咗order後, 好快便上了兩小碟海南雞醬, 一碟是薑油, 另一碟是有辣椒的雞醬, 之後便來了一大碗海南雞飯, 飯面整整齊齊的鋪了一層海南雞, 份量多到已差不多遮蓋了成碗飯, 碗邊仲放了羅卜, 青瓜等等開胃酸菜, 夾起D海南雞, 見到啖啖都是肉, 全部起晒骨, 點一點個辣雞醬, 酸酸辣辣好開胃, D雞肉熟得來好嫩滑,而且雞肉入晒味, 好好食! 配這辣雞醬真的好送得飯, 仲有D米飯好有飯香, 而且粒粒鬆軟, 似家中煮的米飯,白飯都一樣咁好食, 証明間鋪所用材料上乘, 好食! 真係要讚!