翠華餐廳 (已結業)

觀塘海濱匯翠華環境又好唔同有落地玻璃，地方寬敞，所以同太太黎試下。午餐只有套餐沒有散叫，不過款式都幾多。鹿兒島豬軟骨、豬骨濃湯粉絲套餐豬軟骨大大舊，都入味，有咬口，豬骨湯好濃郁，粉絲吸哂豬骨湯精華，叫左特飲凍柚子檸檬梳打，跟餐加8蚊，韓國既柚子很清香，好潤喉。香煎精選牛柳伴燒汁牛柳幾得意一上枱見到已分左2件，牛肉味濃，估唔到薯蓉香濃軟滑，叫了凍鴛鴦，只加$3。估唔到午餐都有甜品意式奶凍，奶味濃也不錯。