韓牛牧場 (已結業)

依家繼續冇得食晚市，但其實冬天都會心思思想食燒肉㗎嘛，但係午餐食放題又會覺得好邪惡，所以嚟咗呢間韓式燒肉食午市定食。我哋叫嘅係二人份量，滿足到燒肉嘅crave之餘，又唔會因為食太多而有罪惡咁，幾好架😊😊😊我哋叫嘅係二人餐 (1++韓牛韓燒定量午巿餐 $238): 份量唔算多，但勝在每樣都有啲，適合鍾意試晒所有嘢嘅朋友。入面有兩種牛，有牛肋肉同埋牛肩胛，仲有五花腩，雞翼，虎蝦，青口，同少量菜。除咗呢個拼盤之外，即使叫二人餐唔係食放題，前菜同埋嘢飲都係任飲任食㗎😀 所以我哋都好唔客氣咁每樣前菜試少少，同飲咗好多罐忌廉溝鮮奶😝😝😝如果齋食燒肉冇啲飯落肚，我呢個大食妹就應該唔會夠飽啦。所以我哋都嗌咗個刺身飯share黎食😊 朋友唔好食魚生，我哋嗌嘅係極上火炙七色丼 ($118)，入面係包左七種火炙左嘅魚生同埋牛，亦都係同拼盤一樣適合一啲相每樣都試嘅人👍🏼 我諗如果鐘意食刺身嘅你，嗌全魚生飯可能會滿足d 😛