驚安燒肉商店

营业中

休息中

今晚老公帶我食之前成日過黎食開間燒肉店，佢地成日做優惠，同埋好抵食啲燒肉同埋醬汁。我叫左個上.九宮格系列🩷🩷🩷🩷🩷最鍾意呢個九宮格，咩牛肉部位都有，同埋啱晒我呢啲有選擇困難症嘅人😂😂同埋佢每個位置都有兩三件夠兩個人share食。同埋唔同部位口感都有分別，可以試多啲種類。我仲叫咗個和牛壽喜燒🩷🩷🩷🩷🩷佢個汁係甜甜地同埋啲生蛋黃黑松露醬點埋喺個牛肉食超滑，索晒啲汁。日式味噌黑豚五花腩🩷🩷🩷🩷🩷呢個黑豚肉都好好味，食落甜甜地啲味噌醬，配埋個五花腩好惹味，肥瘦適中。柚子漬雞肉山(半份)🩷🩷🩷🩷🩷最鐘意食呢度啲雞肉夠滑，燒完都唔會乾柴，同埋有少少清香既柚子味好正。紫菜牛肉汁飯🩷🩷🩷🩷🩷佢呢個飯好夠日式，佢加左啲甜甜地既牛肉汁，日式飯素同埋紫菜撈嚟食，配埋牛肉送呢個飯超好配搭👍🏻同埋佢個手打香水檸檬茶🩷🩷🩷🩷🩷真係好好飲，真係飲到啲檸檬既香味，啲茶底又唔會太濃搶曬啲檸檬味。咁啱見到有我細細個最鍾意飲嘅波子汽水，叫反一支先童年回憶😂依家做緊12-16pm同埋21:30後有59折好抵食，但因為趕住反屋企湊女無辦法了要早啲出黎食先得了。