大家樂 (旺角中心第一座)

今日晏晝去咗旺角大家樂食lunch，門口已經排晒長龍🔥，好彩入面位多，等咗十分鐘就有位。環境光猛乾淨，冷氣夠涼，打工仔同學生哥都喺度傾計食飯，氣氛好熱鬧👫👬。

龍蝦汁天婦羅軟殼蟹豬扒焗飯
一上枱就聞到龍蝦汁嘅濃郁香味🦞，仲見到成隻金黃色嘅軟殼蟹鋪喺面，勁吸睛！軟殼蟹炸到脆卜卜，咬落去裡面仲好juicy💦，豬扒厚身得嚟又嫩滑，仲有微微焦香🔥。個飯底用雞蛋炒過，仲有脆瓜番茄粒解膩🍅，整體口感豐富到爆💯！

一哥焗豬扒飯
經典果然係經典👑，芝士焗到金黃色拉絲🧀，豬扒大塊又唔韌，仲有啲肥膏位香到癲🤤。茄汁炒飯底夠鑊氣，酸酸甜甜咁好開胃，仲有啲粟米粒增加口感🌽，食完成個飯超滿足😋。

咖喱牛腩飯
朋友叫咗呢個，牛腩炆到淋哂🍖，一啖咬落去仲有肉汁爆出嚟💥！咖喱汁唔算好辣但好香濃，撈飯真係一流🍛，仲有啲薯仔雖然有少少硬🥔，但整體都係高水準之作👍。

今餐食到捧住個肚走🤰，大家樂果然係平民美食天堂，份量足又抵食，下次lunch time一定會再encore💖！