炉端金 (已結業)

近排見到炉端金轉左型做放題, 星期6,日午市放題$200都唔洗, 就同左朋友去試下~雖然係午市放題, 但野食選擇都好似晚餐咁多, 最特別係燒肉都有得任食, 而且有澳洲和牛同韓牛~刺身選擇唔算太多, 但Vi最中意食既大路野都有齊, 三文魚, 蝦同帶子都算新鮮, 不過刺身盤既冰溶得好快, 食到一半已經溶成水, 減左唔小分數~ 而壽司款式有好多, 最好食係火灸系列, 火灸三文魚入口即溶, encore左2次~ 另外鰻魚壽司同鰻魚玉子都唔錯, 呢度既壽司飯唔會太大, 而上面既魚生夠大塊, 值得一讚既, 不過點左2次卷物都無上到有點失望, 刺身壽司整得都ok, 唔會有太大驚喜~炸物方面Vi推介面包蝦, 蝦好大隻, 用左面包碎炸, 好脆身好香口, 粉唔會太厚, 仲食到啖啖蝦肉~另外芝士年糕亦係放題必食~烏冬就有點失望, 唔係彈牙果隻, 食左幾啖就放棄了~燒肉方面幾有驚喜, 澳洲和牛同牛舌質素都唔錯, 牛舌勁厚切, 好爽口, 澳洲和牛肉味都突出, 放題有呢個質素算係咁~飲品同雪糕都係自助形式, 好surprise有齊movenpick同哈根大師雪糕, 飲品仲有支裝既楊支甘露, 食番幾杯雪糕都回本XD