影片
更多
2018-10-07
381 浏览
早前同事試過lunch表示不錯，是次有同事生日所以黎食生日飯，食完評價係: 唔會再黎。我們一行6人約1:05pm入座，set lunch menu上有6款，我地好快就決定叫其中5款，有一款意粉要2份，大家share食。落單時個男職員仲同我地reconfirm order一次。我地全部人前菜都要湯，是日係洋蔥湯，味道不錯，份量都好足，飲完都幾飽。其間我地一路傾計，一路等食物，等到1:30pm見未有食物我地就叫左drink先，誰不知等到1:45pm 都無任何食物上菜，我地就問職員，職員表示好快就有，最後大約等多8分鐘就上菜，但仍然係一個一個course咁上，由於每個course份量好少，所以我地每人分少少就可以清左個碟，等職員快d上另一道菜，所以放棄連相機先食。其間，女經理上一個course係我地無叫的，因為係牛，我地係share食，有一半人唔食牛，所以一開始已經無叫。就直接同女經理講上錯course，點知女經理話: 你地無叫？我地就話: 係呀，我地要左A意粉x2，BCDEx1。女經理問: 你地唔食牛？當時我地全部人呆左！無諗過作為一個經理會如此反問食客，正常都會話幫你換返。隔左2秒回過神
我們一行6人約1:05pm入座，set lunch menu上有6款，我地好快就決定叫其中5款，有一款意粉要2份，大家share食。落單時個男職員仲同我地reconfirm order一次。
我地全部人前菜都要湯，是日係洋蔥湯，味道不錯，份量都好足，飲完都幾飽。其間我地一路傾計，一路等食物，等到1:30pm見未有食物我地就叫左drink先，誰不知等到1:45pm 都無任何食物上菜，我地就問職員，職員表示好快就有，最後大約等多8分鐘就上菜，但仍然係一個一個course咁上，由於每個course份量好少，所以我地每人分少少就可以清左個碟，等職員快d上另一道菜，所以放棄連相機先食。
其間，女經理上一個course係我地無叫的，因為係牛，我地係share食，有一半人唔食牛，所以一開始已經無叫。就直接同女經理講上錯course，點知女經理話: 你地無叫？
我地就話: 係呀，我地要左A意粉x2，BCDEx1。女經理問: 你地唔食牛？當時我地全部人呆左！無諗過作為一個經理會如此反問食客，正常都會話幫你換返。隔左2秒回過神來就話係呀！女經理先幫我地拎返入廚房。
最後野飲有一杯又送錯，熱奶茶變熱檸茶因爲我地得1個鐘食飯，等上菜已經等左有45分鐘，無時間再換，同事唯有將就喝。
食到最後，連個飯後甜點都同其他枱唔同，當時已經2點幾，可能原先既cake已經分曬，好彩個奶凍個味ok。其實所有主菜都好普通，反而係個湯同甜品合格。
张贴
