屋喔 (已結業)

好辛苦要外出工作，要同市場部同事約的攝影師傾下黎緊要影的相，就係附近搵個好地方靜靜地傾下計，順便請埋佢食午餐，佢就話佢之前係呢頭番工，佢知我剛係台灣回來，就帶左我去食呢間餐廳，話要我試下香港的台灣菜。起初睇個名以為係吃日本菜，比佢呃左，入到去先覺得有一點像台灣西餐廳的感覺。餐牌都幾可愛，我點左蒜香排骨肉燥飯 和 黑糖薑母茶(熱)特別之處，他們用的米應該是台灣米，因為我住過台東一排，有點像台東的池上米，圓圓扁扁的，台灣米加上台灣的肉燥就更加配搭好吃，而且係台灣一樣，會配有酸菜去送飯，這是細心之處。排骨真的是厚切，炸得很鬆脆，而已不會感到咸，份量也算多和大舊。而糖心蛋都OK入味，可惜蛋黃不夠流心。因為是日有點感冒中工作，所以點了黑糖薑母茶(熱)，有點辣辣的薑味和整杯甜甜的，吃了幾口耳鼻喉的感冒都通通了，如果再重多一點點薑味就會比較好喝。