吞POT 雞煲火鍋.住家菜 (譽發廣場) (已結業)

陪阿B生完攀石堂，一向都比佢揀食壽司或者去食意粉。但今次阿B老竇話，阿B最近鍾意去幫襯開嗰間住家菜館一款伊面。上到去係比個view 吸引，極之開陽，望到晒成條彌敦道成個旺角。 午市有好多套餐，阿B揀咗佢最愛嘅香菇伊面，我就試吓黑醋豬軟骨。老闆都認得呢個年紀輕輕嘅熟客仔，佢個伊面好快就過嚟，佢哋仲俾咗山本清甜老火湯俾我哋，唔似出面茶餐廳啲賣剩蔗老火湯，感覺冇咁油膩，乾淨真材實料好多。黑醋豬軟骨好好食，啲豬軟骨好大舊，醋酸酸甜甜撈飯一流，最緊要仲有兩碟油菜套餐包埋，包埋嘢飲感覺上好抵食。阿B真係識減。個伊面好香，又有草菇有其他雜菇， 好足材料。