影片
更多
2005-12-01
9 浏览
見大家評級都唔錯，又近公司，所以點都要試一試，如果好的話第日食飯又多個選擇。午飯時間真係好多人，好在友人已等定位叫定嘢，不過門外不停有人等，阿姐執嘢手腳都好快，執枱快手，犀利。兩個人，叫了：1.炸醬＋腐皮＋竹笙米線＄２３2.炸醬＋魚腐＋雞肉米線＄２３3.香草＋麻辣雞翼各３隻＄１８另各送豆漿１杯碗米線好大碗，兩碗都係少少辣，係有少少辣嘅，不過又唔係好飲得出湯底有咩太特別之處，但係都飲倒有少少胡椒味。炸醬真係好味，甜甜地又有咬口，份量又多，我就唔鐘意撈埋落啲湯度，我覺得直接「送」米線好味啲，另外腐皮份量亦很多，不錯，但係竹笙就略嫌少喇，仲要大小不一，有啲「碎嬸嬸」的感覺，唔係好覺自己食咗竹笙。另一碗米線除了炸醬外，其他材料只是一般而已，我試了魚腐，覺得咸了點同埋覺得「削削地」。雞翼很新鮮，換個形容詞即是很熱氣，哈哈！雞翼係即叫即整的，碗米線食咗一半先上枱。總覺得兩款味沒有多大分別，兩款都不覺得辣哦！不過麻辣那款好似較入味少少，但兩者一樣都係同樣香口，大小方面亦可接受，唔係真係好細隻。但係都係覺得譚仔的做得較香較滑，可能譚仔嬴的真是大隻吧！幾欣賞佢送豆漿，有杯凍飲「送」米線真係一流。見唔少人
午飯時間真係好多人，好在友人已等定位叫定嘢，不過門外不停有人等，阿姐執嘢手腳都好快，執枱快手，犀利。
兩個人，叫了：
1.炸醬＋腐皮＋竹笙米線＄２３
2.炸醬＋魚腐＋雞肉米線＄２３
3.香草＋麻辣雞翼各３隻＄１８
另各送豆漿１杯
碗米線好大碗，兩碗都係少少辣，係有少少辣嘅，不過又唔係好飲得出湯底有咩太特別之處，但係都飲倒有少少胡椒味。
炸醬真係好味，甜甜地又有咬口，份量又多，我就唔鐘意撈埋落啲湯度，我覺得直接「送」米線好味啲，另外腐皮份量亦很多，不錯，但係竹笙就略嫌少喇，仲要大小不一，有啲「碎嬸嬸」的感覺，唔係好覺自己食咗竹笙。
另一碗米線除了炸醬外，其他材料只是一般而已，我試了魚腐，覺得咸了點同埋覺得「削削地」。
雞翼很新鮮，換個形容詞即是很熱氣，哈哈！雞翼係即叫即整的，碗米線食咗一半先上枱。總覺得兩款味沒有多大分別，兩款都不覺得辣哦！不過麻辣那款好似較入味少少，但兩者一樣都係同樣香口，大小方面亦可接受，唔係真係好細隻。但係都係覺得譚仔的做得較香較滑，可能譚仔嬴的真是大隻吧！
幾欣賞佢送豆漿，有杯凍飲「送」米線真係一流。見唔少人都叫酸菜，下次一定要試下先得。不過通常都係一個人食飯，人又咁多，我諗都係買外賣會好啲。
张贴