37
31
12
等级4
209
1
2019-06-24 383 浏览
家姐在台灣旅行完返黎,約我今日下午拎手信,佢提議到呢間餐廳,貪佢呢度啲野唔算貴,又幾好食。呢間餐廳都黎過好多次,通常都係中午時候,每次呢個時候都見好多人排隊,我地都唔例外,按左籌耐心等候,等左30分鐘左右,就到我們入座,我們四個人,被安排座卡位。呢度地方算幾大,可以容納好多張枱,環境光線暗暗的,夜晚食就會比較浪漫。望望隻錶,仲有半個鐘先到兩點,未可以食下午茶餐,唯有叫午餐啦。我地四個人分別叫左四個午餐,午餐包一杯飲品或一個餐湯,除了我姐夫揀了一個餐湯外,我地就揀晒飲品。餐湯係牛乳粟米忌廉湯,聽姐夫講佢話冇乜牛乳味,但粟米香味濃郁既,都幾creamy。首先果碟米蘭原茄烤豬扒焗珍珠飯黎先,我覺得呢度既焗豬扒飯都算做得唔錯,蕃茄醬汁都算多,豬扒唔係話好厚果啲,但都有好幾塊,飯就用珍珠米用蛋略略炒過下咁,飯粒分明,面頭用芝士再焗,所以好有芝士味,家姐每次黎都會叫呢個,貪佢好食又份量大。跟住百里香烤雞菌皇扁意粉也上枱,個樣好似卡邦尼意粉,食落口都好似,只係啲菇菌味比卡邦尼重,同埋係有烤雞入面。再來蛋黃煙肉卡邦尼長通粉也到了,入面有好多煙肉,冬菇,有啲洋蔥,呢度既卡邦尼都做得唔錯,醬汁好濃厚多汁,
更多
家姐在台灣旅行完返黎,約我今日下午拎手信,佢提議到呢間餐廳,貪佢呢度啲野唔算貴,又幾好食。呢間餐廳都黎過好多次,通常都係中午時候,每次呢個時候都見好多人排隊,我地都唔例外,按左籌耐心等候,等左30分鐘左右,就到我們入座,我們四個人,被安排座卡位。呢度地方算幾大,可以容納好多張枱,環境光線暗暗的,夜晚食就會比較浪漫。望望隻錶,仲有半個鐘先到兩點,未可以食下午茶餐,唯有叫午餐啦。我地四個人分別叫左四個午餐,午餐包一杯飲品或一個餐湯,除了我姐夫揀了一個餐湯外,我地就揀晒飲品。

餐湯係牛乳粟米忌廉湯,聽姐夫講佢話冇乜牛乳味,但粟米香味濃郁既,都幾creamy。

首先果碟米蘭原茄烤豬扒焗珍珠飯黎先,我覺得呢度既焗豬扒飯都算做得唔錯,蕃茄醬汁都算多,豬扒唔係話好厚果啲,但都有好幾塊,飯就用珍珠米用蛋略略炒過下咁,飯粒分明,面頭用芝士再焗,所以好有芝士味,家姐每次黎都會叫呢個,貪佢好食又份量大。
米蘭原茄烤豬扒焗珍珠飯
$52
19 浏览
0 赞好
0 留言

跟住百里香烤雞菌皇扁意粉也上枱,個樣好似卡邦尼意粉,食落口都好似,只係啲菇菌味比卡邦尼重,同埋係有烤雞入面。
百里香烤雞菌皇扁意粉
$53
28 浏览
0 赞好
0 留言

再來蛋黃煙肉卡邦尼長通粉也到了,入面有好多煙肉,冬菇,有啲洋蔥,呢度既卡邦尼都做得唔錯,醬汁好濃厚多汁,唔會令個長通粉太乾。
蛋黃煙肉卡邦尼長通粉
$52
15 浏览
0 赞好
0 留言

最後碟吉列豬扒大和咖哩珍珠飯,塊吉列豬扒好大塊,飯唔算話好多,但都唔係好少,但個汁就我覺得少左啲,唔夠點豬扒,又唔夠撈飯,旁邊有啲椰菜伴碟,總括個味係幾好既,豬扒炸得夠脆,個咖喱係用上日本咖喱,所以唔會太辣,甜甜地。味道算唔錯吧!
吉列豬扒大和咖哩珍珠飯
$51
23 浏览
0 赞好
0 留言

我地三杯飲品有兩杯叫凍檸茶,凍檸茶得兩片檸檬,對我呢啲喜愛酸既人黎講就少左啲檸檬,茶味唔算香。而另一杯就要左杯凍鴛鴦,都幾好飲,奶茶同咖啡比例都幾平均。
凍檸茶
$3
11 浏览
0 赞好
0 留言

我地响度傾偈,傾傾下不知不覺已經四點,佢地又開始口痕,跟著又叫了一份公司三文治和一件經典粗粒花生醬西多士大家食。

公司三文治裡面有鹹牛肉,蛋,火腿,蕃茄,生菜,餐肉,都幾豐富既。一碟有四份,每人一件啱啱好!
公司三文治
$37
15 浏览
0 赞好
0 留言

粗粒花生醬西多士,故名思意,入面有粗粒花生醬,我本人不喜愛西多士有醬心的,所以我冇食,見佢地都食得好滋味,應該係幾好食吧!
粗粒花生醬西多士
$25
10 浏览
0 赞好
0 留言

飲品就叫了即磨咖啡和凍檸茶,即磨咖啡味都幾香,甘甘地!

我地就係咁由一個LUNCH食到去下午茶,足足座左差不多四個鐘。真係唔係幾好意思!哈哈!
17 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2019-06-06
等候时间
30 分钟 (堂食)
人均消费
$70 (午餐)
推介美食
米蘭原茄烤豬扒焗珍珠飯
$ 52
百里香烤雞菌皇扁意粉
$ 53
蛋黃煙肉卡邦尼長通粉
$ 52
吉列豬扒大和咖哩珍珠飯
$ 51
公司三文治
$ 37
粗粒花生醬西多士
$ 25