芋圓控

营业中

休息中

觀塘有名嘅人工手製芋圓店，已經翻兜左好多次😋有廿幾款配料可以選擇，唔想諗嘅話，可以揀店家已配搭好嘅選擇。每次黎都必點以下配料：.奶茶凍雖然呢到出名食芋圓，但奶茶凍都相當出式，奶茶味濃，就算點左濃味嘅椰汁做底，都依然食到奶茶味.焙茶圓相比芋圓/地瓜圓，焙茶圓比較少見，同奶茶凍一樣，茶味濃厚.包心芋圓又可以食到芋圓煙靭嘅口感，入邊又有番薯肉，一次過滿足兩個願望.芋泥球芋泥綿滑，但唔係成個球都係泥狀似食糊仔咁，而係夾雜住少少芋頭粒，口感有層次.環境方面，今次午後黎，餐廳部份嘅座位被暖冬太陽曬住，好舒服，仲可以見到窗外嘅飛鵝山。人流唔算好多，唔係食完就要即走嘅糖水舖，適合三五朋友相聚。