影片
更多
2021-03-13
267 浏览
見到傷心酸辣粉呢個放題廣告好耐啦，想試但無時間，是日放下晝即管黎試下佢。午市放題79蚊位，已全包，無額外醬料費或加一。落左單，店員送上呢個小小的gas爐，個煲隨後都到了。揀左要麻辣雞煲，辣度就要左小辣。上枱時其實都熱嘅，仲幾香添喎。煲一陣就滾晒食得，雞件入味，二人份量都ok，小辣唔太辣，但就偏鹹少少，早啲加水打邊爐。火鍋料全部自助，有各式丸類，腸仔，菇類，木耳，肥牛，豬肉片等。左下呢個芝士年糕幾好味，吸左雞汁正。菜有唐生菜同娃娃菜，濃湯下洽兩洽好味呀。串串魷魚都唔錯。飲品有各式汽水，紙包等。仲有啤酒添，全部任飲。呢個價錢唔好諗有幾靚料啦，正正常常嘅凍肉舖貨式，味道ok，係抵食嘅。仲有係服務態度超級有性格，無乜必要唔好問問題。
午市放題79蚊位，已全包，無額外醬料費或加一。
落左單，店員送上呢個小小的gas爐，個煲隨後都到了。
揀左要麻辣雞煲，辣度就要左小辣。
上枱時其實都熱嘅，仲幾香添喎。
煲一陣就滾晒食得，雞件入味，二人份量都ok，小辣唔太辣，但就偏鹹少少，早啲加水打邊爐。
火鍋料全部自助，有各式丸類，腸仔，菇類，木耳，肥牛，豬肉片等。
左下呢個芝士年糕幾好味，吸左雞汁正。
菜有唐生菜同娃娃菜，濃湯下洽兩洽好味呀。
串串魷魚都唔錯。
飲品有各式汽水，紙包等。
仲有啤酒添，全部任飲。呢個價錢唔好諗有幾靚料啦，正正常常嘅凍肉舖貨式，味道ok，係抵食嘅。
仲有係服務態度超級有性格，無乜必要唔好問問題。
张贴
