滿漢金鍋 (已結業)

午市時間黎銅鑼灣覓食，俾依間主打火鍋嘅店舖吸引住！最抵$68就有一人一個火鍋套餐，包括自選湯底 + 配料3款 + 麵底1款 + 飲品。湯底分別點咗冬陰功同沙嗲。冬陰功非常濃郁，好足料，有香草、青檸，辣椒等等作調味。沙嗲聞起上黎好香，但係食落又唔會太鹹。配料方面，首推自家製丸類！流沙墨魚丸入面有滿滿嘅流沙鹹蛋，鹹香味十足。自家製牛肉丸非常彈力，牛肉味重。雲吞有完整嘅蝦，十分意外，亦都包得好結實。肥牛薄身，滾幾滾就熟，肉質鮮甜入味～麵底我地揀咗紅茨粉，有啲煙煙韌韌嘅感覺，而且佢吸入哂湯底嘅精華，非常惹味。飲品分別係蜜桃紅茶梳打、荔枝檸檬梳打，食完火鍋飲番杯凍飲好爽，而且好清新！