樂湯雞麵館 x 火鍋 (西洋菜南街) (已結業)

今日午餐去到生發大廈，因為之前去北京老家，係lift內有廣告，宣傳樂湯雞午套餐，有雲吞雞食都係平民價錢。今日終於去左試，一坐低職員介紹餐廳既推薦菜色，有魚翅雲吞雞煲等，價錢都唔平，接近$200，冇野飲。開始食冇幾耐，開始多人，隔離枱就叫野食，俾我見到佢地有午市menu，咁即係蝦我地唔記得有午市姐。點解餐廳做得宣傳，又唔主動俾客人睇餐牌，遮遮掩掩唔見得光咁。之後又有其他客黎到，佢地一樣冇午市menu，但佢地問有冇野飲跟，職員又話有得送。食到呢個時候，已經一肚氣。以後不會再光顧。希望提醒大家，以免中伏，至於大家要唔要去食就悉隨尊便。