玉桃軒酒家 (康怡廣場) (已結業)

太古康怡廣場，有不少食肆，中西南北，各適其式，但都有一個共通之處，就是每逢星期六、日及假期都是人山人海，多數要等位。今天星期六，去了康怡廣場玉桃軒嘆午市茶，去到大約11點半左右，已經要等位。幸好還早，等了不久就可以入座，之後人更加多，輪候入座時間更長。玉桃軒格局比較高檔，佈置壯煌，地方夠大，樓底夠高，環境舒適。坐下點了脆皮燒腩仔($50)、沙律明蝦角(大點)、甜心流沙包(中點)和玉蘭沙爹牛肉炒河($88)。脆皮燒腩仔細細碟，燒得皮脆肉嫩，燒腩入口即溶，不覺膩口，水準不錯。沙律明蝦角，炸得金黃搶眼，外皮鬆脆，餡料蝦肉鮮甜彈牙，而且熱力十足，再配沙律醬，十分惹味。出爐甜心流沙包熱氣騰騰，包皮既熱且燙，軟滑香甜，蛋黃流沙滿溢好味。至於玉蘭沙爹牛肉炒河也不欺場，廚房鑊氣十足，上枱玉蘭色澤鮮綠，牛肉份量十足，牛肉味豐富，再配沙爹河粉，開胃飽肚。