影片
更多
2021-03-17
416 浏览
唔記得係fb邊度既關注組睇到既午市一人烤魚套餐，屯門gp/食辣/火鍋？嗰時見到價錢同埋啲相好吸引，去食第一次，真係好正😂第一次食酸菜味大辣，好正，條魚好大條，點講呢......類似新墟街市門口位第一檔有賣呢種魚35蚊條個種😂。個檔有賣20/25/30/35（去開會知我講邊檔😂😂😂）但大辣唔夠辣，我已第一時間撥魚上面既泡椒同乾辣椒落湯滾，可能下次會咬開下啲乾辣椒🥲。薯粉份量都多，但我想食埋白飯配餸甚至係配薯粉。但佢主食只可選擇白飯/薯粉/米線/烏冬之類；加餸無得選薯粉。明既，要賺要一定消費。假如可選薯粉，叫個飯多飯；兩個人一個餐，加個薯粉，女士會飽晒。男士既話加多幾味配菜可能都夠食第二次試香辣，唔鍾意洋蔥😑我係覺得酸菜味唔夠辣試下香辣既大辣，都係唔夠辣。仲係左我鍾意既酸菜，其他都一樣：有切開一半既豆卜四件，幾件海帶結、芽菜咁甚至食頭一啖想唔要另叫返第一次既酸菜味......算，費事嘥🥲今次條魚細少少，但都夠一個人食經過上次經驗，個人唔鍾意條魚炸到香酥既感覺無晒，今次滾起十幾秒就拎落碟，會將要食既位食前浸一浸返落湯第三次食。因為佢剩叫湯粉只係23蚊，叫碗大辣既，想抽出黎浸湯食😂想跟飯所以叫
第一次食酸菜味大辣，好正，條魚好大條，點講呢......類似新墟街市門口位第一檔有賣呢種魚35蚊條個種😂。個檔有賣20/25/30/35（去開會知我講邊檔😂😂😂）
但大辣唔夠辣，我已第一時間撥魚上面既泡椒同乾辣椒落湯滾，可能下次會咬開下啲乾辣椒🥲。
薯粉份量都多，但我想食埋白飯配餸甚至係配薯粉。但佢主食只可選擇白飯/薯粉/米線/烏冬之類；加餸無得選薯粉。明既，要賺要一定消費。假如可選薯粉，叫個飯多飯；兩個人一個餐，加個薯粉，女士會飽晒。男士既話加多幾味配菜可能都夠食
第二次試香辣，唔鍾意洋蔥😑
我係覺得酸菜味唔夠辣試下香辣既大辣，都係唔夠辣。
仲係左我鍾意既酸菜，其他都一樣：有切開一半既豆卜四件，幾件海帶結、芽菜咁
甚至食頭一啖想唔要另叫返第一次既酸菜味......算，費事嘥🥲
今次條魚細少少，但都夠一個人食
經過上次經驗，個人唔鍾意條魚炸到香酥既感覺無晒，今次滾起十幾秒就拎落碟，會將要食既位食前浸一浸返落湯
第三次食。因為佢剩叫湯粉只係23蚊，叫碗大辣既，想抽出黎浸湯食😂想跟飯
所以叫少粉同少飯俾自己一條友食
材料
叫返酸菜味
今次一上枱即拎起成條魚，食前先浸湯
浸湯
呢間午市真係抵，100蚊內有烤魚，仲平過好味過我鍾意去既老川皇。
一個人都食到呢樣野真係好
但呢間野我覺得味精好重，之後全日都口乾想飲茶、可樂去解左佢咁。
同埋呢間對我來講，佢11點開好好。我想早啲食到，唔想12點。但問題係佢去到（平日）11點46分後先開始有客。 得我一個嘅時候，啲侍應會當無客在場勁大聲傾偈、爆粗😵😵😵，有多一兩個客先會正常似返緊工😂
我相信佢11點喺屯門市中心開既話會有唔少人食，但佢呢度算比較僻靜嘅位所以先唔多人。
张贴
