夢工房西日料理 (已結業)

今日約左朋友慶祝生日，地點揀左葵芳既夢工房。朋友生日話想食放題，我即刻打去book定位啦。午市價錢平，食物選擇又多。我地任食任飲食到好飽足。刺身質素中上，唔會將貨就價，刺身厚切又肥美，三文魚油香重，甜蝦爽口又清甜。熟食選擇多，又燒烤有炸焗，焗蠔好滋味！番食左幾次，蠔肉大大隻好甜，無沙！天婦羅炸粉薄薄的，大蝦好爽口！燒炸類好多春魚、羊排、漢堡排等等多種選擇。另外仲有火鍋添，的確好豐富的放題餐廳啊。甜品食左幾件蛋糕，甜度唔會好高。