影片
更多
2022-09-06
318 浏览
好耐無食放題，趁今日放假，約埋朋友一齊嚟尖沙咀呢間「殿大喜屋」食晏。餐廳而家做緊拖羅和牛任食，午市放題成人每位只係 $298，就可以食足 3 個鐘，星期一至五惠顧，更可享全單 88 折優惠，非常抵食！馬上開餐，先由刺身開始，呢度嘅吞拿魚他他真係好高質，厚切肥美，鮮度十足，食多兩轉已經番本。至於其他刺身就仲有三文魚、帶子、甜蝦、池魚、劍魚腩同針魚等，全部都好新鮮，而且擺盤亦相當精美。壽司方面，整體質素亦不俗，尤其是幾款創作壽司，不但食材配搭得宜，鮮味亦十分有層次。估唔到連海膽手卷都係任食，不過就要排隊領取，每人每次最多可取 2 客。海膽味道鮮甜，值得一吃。和牛薄燒用料上乘，送上時已經聞到好重牛肉香味，食落肉質好嫩滑，完全無筋，脂香豐腴，配上脆香蒜片同蔥花，令人回味無窮。一品料理有避風塘炒蟹、花雕醉鮑魚、蒜蓉珊瑚蚌炒西蘭花、一品花膠盛等。炒蟹鑊氣十足，入口蒜香撲鼻。鮑魚肉厚飽滿，食落煙韌帶酒香。花膠亦夠晒睇頭，大大塊，唔會過薄，質感腍滑有彈性，入口帶鮑汁香。至於其他配料就仲有冬菇、仿鮑片同魚翅等，用料十足，絕對有誠意。另外蒜蓉粉絲蒸扇貝亦屬必食之選。元貝厚肉鮮甜，加上以蒜蓉粉絲蒸焗，令鮮味
好耐無食放題，趁今日放假，約埋朋友一齊嚟尖沙咀呢間「殿大喜屋」食晏。
餐廳而家做緊拖羅和牛任食，午市放題成人每位只係 $298，就可以食足 3 個鐘，星期一至五惠顧，更可享全單 88 折優惠，非常抵食！
馬上開餐，先由刺身開始，呢度嘅吞拿魚他他真係好高質，厚切肥美，鮮度十足，食多兩轉已經番本。至於其他刺身就仲有三文魚、帶子、甜蝦、池魚、劍魚腩同針魚等，全部都好新鮮，而且擺盤亦相當精美。
壽司方面，整體質素亦不俗，尤其是幾款創作壽司，不但食材配搭得宜，鮮味亦十分有層次。估唔到連海膽手卷都係任食，不過就要排隊領取，每人每次最多可取 2 客。海膽味道鮮甜，值得一吃。
和牛薄燒用料上乘，送上時已經聞到好重牛肉香味，食落肉質好嫩滑，完全無筋，脂香豐腴，配上脆香蒜片同蔥花，令人回味無窮。
一品料理有避風塘炒蟹、花雕醉鮑魚、蒜蓉珊瑚蚌炒西蘭花、一品花膠盛等。炒蟹鑊氣十足，入口蒜香撲鼻。鮑魚肉厚飽滿，食落煙韌帶酒香。
花膠亦夠晒睇頭，大大塊，唔會過薄，質感腍滑有彈性，入口帶鮑汁香。至於其他配料就仲有冬菇、仿鮑片同魚翅等，用料十足，絕對有誠意。
另外蒜蓉粉絲蒸扇貝亦屬必食之選。元貝厚肉鮮甜，加上以蒜蓉粉絲蒸焗，令鮮味更突出。
甜品方面，最推介就係呢款海燕窩椰汁燉木瓜，木瓜嘅熟度啱啱好，入口香甜軟腍，椰汁份量亦下得挺慷慨，配上海燕窩，滋潤又養顏。
另外餐廳設有多個自助區，有沙律、小食、熱葷、甜品及飲品等，而且最正就係連清酒、梅酒、白酒同真露都可以任飲，想回本絕對無難度。
最後每人仲可以揀一款 Häagen-Dazs、Mövenpick 或 Milk Top 雪糕，食完真係超滿足！
张贴
