神戶屋日韓放題

营业中

休息中

唔知由幾時開始我開始鍾意晏晝食放題， 因為晏晝可以食得多啲， 又抵食啲晚餐又可以慳啲，什至乎唔識😜位於旺角兆萬呢間神戶屋係我朋友食開介紹我去嘅， 佢哋午市放題食物種類都好豐富， 我介紹下今次食咗啲乜先。一去到梗係點咗最回本嘅刺身先啦，有泰式生蝦、象拔蚌、天使蝦、有頭甜蝦 、三文魚、甜蝦、松葉蟹鉗、 珍寶帶子、像拔蚌、北海道覺羅刺身、希靈魚、鮑片、激巨赤蝦、迷你北寄貝 、八爪魚、 厚燒玉子!全部都好新鮮 ，因為我哋訂座，仲送咗海膽同埋生蠔畀我哋添!!!熟食方面都好豐富， 我哋點咗泰式鳳爪 韓國蜂蜜芥末炸雞炸鮮奶 香芋圓吉列廣島蠔 ，黃金芝士燒廣島蠔 ，燒菠蘿等等 ，不過我最推介嘅係日式溫泉蛋 ，質地做得剛剛好唔會太流心 ，配埋芝麻醬係最出色嘅!!飲品都係喺汽水櫃自助攞嘅 另外甜品有雪糕同埋雪米糍任食 ，而門口有韓國雪條，可以揀一款， 我揀咗芝士雪條!總結呢度係中西日泰韓式嘅食物都有得食， 選擇多， 亦都冇漏單 ，食物出得都好快，所以我都會再嚟!!