黑樺牛 (已結業)

✨午市放題✨有頭盤小食，任食雞煲、牛肉火鍋配料，仲有海鮮蒸汽鍋。🧆頭盤小食：口水汁麻辣併盤（麻辣魚皮、皮蛋、牛展、牛肚）很開胃嘅頭盤，麻辣魚皮口感脆爽，辣辣地幾惹味。皮蛋滑溜，口感細膩。牛展牛肚彈牙。🫔鬼馬油炸鬼外層酥脆，入面有蝦肉，外脆內軟，口感豐富。🍲任食滋味雞煲可以無限追加雞件，有五種辣度選擇：BB辣、小辣、中辣、大辣和激辣。雞塊幾大塊，啖啖肉，夠滋味。🦐🦪🦞海鮮蒸汽鍋上枱個刻好有驚喜，海鮮份量不少，種類豐富。包括紐西蘭青口2隻、本地海蝦1隻、(*2位起可享用) 時令本地鮮蟹1隻、大船獲岩蠔1隻、青森縣產扇貝皇1隻。海產新鮮，口感彈牙鮮甜味十足。蒸完海鮮嘅湯底，可用嚟做火鍋湯底🍲。不過我同朋友想試吓店內其他特式湯底，所以加咗 $108 試豆乳玫瑰芝士鍋🥛🧀。湯底有香濃豆乳同芝士味，味道配搭得好夾。之後可任食美國特選牛板腱🥓及其他火鍋配料🥬🍅。亦可用$50優惠價叫"手切黑毛和牛封門柳"一碟。肉質嫩綿，牛味夠香，好食。