樂天大喜屋 (已結業)

大喜屋呢個名，香港人應該每個人都聽過喇！之前喺尖沙咀嘅大喜屋食過幾次，勁滿意、款式又多、服務又好、上菜速度高、食材又新鮮。今次嚟到旺角，都一樣係咁高質呀！依家用QR code落單嘅餐廳越嚟越多，呢度都唔例外！真係勁方便呀，想食就落單，唔洗再舉手交紙仔，又可以睇得番自己叫咗啲咩、到咗未，最重要係佢會提你之前有無叫過重覆嘅款式，值得一讚！旺角呢一間款式都好多，刺身、壽司、手卷、串燒、熟食、炸物、鍋物通通都有。刺身款式好多，三文魚各種魚款、仲有大蝦甜蝦、貝類都有，居然連象拔蚌都有呀～～壽司方面特別嘅有鰻魚玉子燒、各種炙燒嘅壽司~~手卷居然有海膽呀超開心!!有個好特別嘅炸物，係脆炸貓山王榴連波波，外面係一層脆脆，入面係流心嘅貓山王榴連蓉，超級香，真係想係咁叫黎食仲有呢個芝麻雞翼，好香口!!!!除咗點餐紙上面嘅嘢食之外，可以出去熟食檔仔度簡熟食～有章魚燒、薯條、之類。任飲嘅飲品吧除咗一般嘅汽水、茶、咖啡之外，仲有啤酒、清酒、梅酒、燒酒，如果鐘意飲酒嘅黎到真係唔怕無得飲呀～真係超級極度抵最後想講嘅係，好想叫鍋物呀..但係款式太多，食到最後太飽喇，所以叫唔到.. 下次再黎一定要試埋佢！